ଓଲଟିଲା ଗ୍ୟାସ ବୋଝେଇ ଟ୍ୟାଙ୍କର

Jan 13, 2021 - 05:31 Updated: Jan 13, 2021 - 05:31

4972

ଭୁବନେଶ୍ୱର:ଗଂଜାମ ଛତ୍ରପୁର ତାମ୍ପରା ଏନଏଚ ୧୬ରେ ଗ୍ୟାସ ଟ୍ୟାଙ୍କର ଓଲଟି ପଡିଛି । ଘନ କୁହୁଡି ଯୋଗୁଁ ଡ୍ରାଇଭର ଦେଖି ନ ପାରିବାରୁ ଗ୍ୟାସ ଟ୍ୟାଙ୍କର ଓଲଟି ପଡିଲା । ଗ୍ୟାସ ଲିକ ହେଉଥିବାରୁ ଡାକବାଜି ଯନ୍ତ୍ରରେ ସଚେତନ କରାଯାଉଛି । ଅଗ୍ନିଶମ ବାହିନୀ ପକ୍ଷରୁ ଗ୍ୟାସ ଲିକ ବନ୍ଦ ପାଇଁ ଜୋରଦାର ଉଦ୍ୟମ କରୁଛି । ଦୁର୍ଘଟଣା ଘଟିଥିବା ରାସ୍ତାରେ ଯାତାୟାତ ବନ୍ଦ କରାଯାଇଛି । ଯାତାୟାତ ବନ୍ଦ ଯୋଗୁ ରାସ୍ତାର ଉଭୟ ପାଶ୍ୱର୍ରେ ବହୁ ଗାଡି ଅଟକି ରହିଛି । ସୂଚନା ଅନୁଯାୟୀ, ଇନ୍ଧନ ଗ୍ୟାସ୍ ବୋଝେଇ ଏହି ଟ୍ୟାଙ୍କରଟି ବିଶାଖାପାଟରାରୁ ଜଟଣୀକୁ ଏଚପି ଗ୍ୟାସ ନେଇ ଫେରୁଥିଲା। ଘନ କୁହୁଡି ଯୋଗୁଁ ହଠାତ୍ ଛତ୍ରପୁର ଜାତୀୟ ରାଜପଥ ତାମ୍ପରା ନିକଟରେ ଭାରସାମ୍ୟ ହରାଇ ଓଲଟିପଡିଥିଲା । ଏହି ଦୁର୍ଘଟଣାରେ ଡ୍ରାଇଭର କିମ୍ବା ହେଲପରଙ୍କ କୌଣସି କ୍ଷତି ହୋଇନାହିଁ। ସେପଟେ ଗ୍ୟାସ ବୋଝେଇ ଟ୍ୟାଙ୍କର ଓଲଟିବା ଯୋଗୁଁ ରାସ୍ତାର ଉଭୟ ପାର୍ଶ୍ୱରେ ଶହ ଶହ ଗାଡି ଅଟିକି ରହିଛି ।