ୟୁଏସ ଓପନ ୨୦୨୦ : ଡୋମିନିକ ଥିମଙ୍କୁ ପ୍ରଥମ ଗ୍ରାଣ୍ଡସ୍ଲାମ ଟାଇଟଲ
ୟୁଏସ ଓପନ ୨୦୨୦ : ଡୋମିନିକ ଥିମଙ୍କୁ ପ୍ରଥମ ଗ୍ରାଣ୍ଡସ୍ଲାମ ଟାଇଟଲ
admin
5291
ନୂଆଦିଲ୍ଲୀ : କରୋନା ଭୟ ମଧ୍ୟରେ ଶେଷ ହୋଇଛି ୟୁଏସ ଓପନ ୨୦୨୦ । ଏହି ଟୁର୍ଣ୍ଣାମେଣ୍ଟରେ ପ୍ରଥମ ଥର ପାଇଁ ଗ୍ରାଣ୍ଟସ୍ଲାମ ବିଜୟୀ ହେବାର ସୌଭାଗ୍ୟ ହାସଲ କରିଛନ୍ତି ଅଷ୍ଟ୍ରେଲିଆର ଡୋମିନିକ ଥିମ । ଥିମ ଫାଇନାଲରେ ଋଷିଆର ଆଲେକଜାଣ୍ଡାର ଜେଭ୍ରେଭଙ୍କୁ ପରାସ୍ତ କରିବା ସହିତ ଟାଇଟଲ ହାସଲ କରିଛନ୍ତି । ବଡ ଖେଳାଳିଙ୍କ ଅନୁପସ୍ଥିତିରେ ଜେଭ୍ରେଭ ପ୍ରଥମ ଥର ପାଇଁ କୌଣସି ଗ୍ରାଣ୍ଡସ୍ଲାମ ଫାଇନାଲରେ ପ୍ରବେଶ କରିଥିବା ବେଳେ ଥିମଙ୍କର ଏହା ଚତୁର୍ଥ ଗ୍ରାଣ୍ଡସ୍ଲାମ ଫାଇନାଲ । ଫାଇନାଲରେ ଥିମ ୨-୬, ୪-୬, ୬-୪, ୬-୩ ଏବଂ ୭-୬(୬) ସେଟରେ ଜେଭ୍ରେଙ୍କୁ ପରାସ୍ତ କରିଥିଲେ । ପ୍ରଥମ ଦୁଇ ସେଟରେ ହାରିବା ପରେ ଥିମ ଜବରଦସ୍ତ ପ୍ରତ୍ୟାବର୍ତ୍ତନ କରିଥିଲେ । ପରବର୍ତ୍ତୀ ଦୁଇ ସେଟରେ ବିଜୟୀ ହେବା ସହିତ ନିର୍ଣ୍ଣାୟକ ସେଟରେ ଟାଇବ୍ରେକରରେ ବିଜୟୀ ହୋଇଥିଲେ । ଥିମ ପ୍ରଥମ ଥର ପାଇଁ ୟୁଏସ ଓପନ ଟାଇଟଲ ବିଜୟୀ ହୋଇଥିବା ବେଳେ ନାଓମି ଓସାକା ଦ୍ୱିତୀୟ ଥରମ ପାଇଁ ମହିଳା ବର୍ଗରେ ଟାଇଟଲ ହାସଳ କରିଛନ୍ତି ।
