୨୦୧୯ ଫାଇଟ୍ ପାଇଁ ନବୀନ ପୂରା ଫିଟ୍
୨୦୧୯ ଫାଇଟ୍ ପାଇଁ ନବୀନ ପୂରା ଫିଟ୍
admin
6318
ଭୁବନେଶ୍ୱର: ୧୯ ଫାଇଟ୍ ପାଇଁ ନବୀନ ପୂରା ଫିଟ୍ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କର ଏକ ଫିଟ୍ନେସ୍ ଭିଡିଓ ସାରା ରାଜ୍ୟକୁ ଚମକାଇଛି । ସୋସିଆଲ୍ ମିଡିଆରେ ଘୂରି ବୁଲୁଛି ନବୀନ ନିବାସ ପରିସରରେ ମୁଖ୍ୟମନ୍ତ୍ରୀଙ୍କ ବ୍ୟାୟାମ୍ ଓ ଯୋଗର ଭିଡିଓ । ମର୍ଣ୍ଣିଂୱାର୍କ ଠାରୁ ଆରମ୍ଭ କରି ବିଭିନ୍ନ କସରତର ଦୃଶ୍ୟ ରହିଛି ଏହି ଭିଡିଓରେ । ୨ମିନିଟ୍ ୮ ସେକେଣ୍ଡର ଏହି ଭିଡିଓରେ ନବୀନ ଏକ ବ୍ଲାକ୍ ଟି ସାର୍ଟ ଓ ଟ୍ରାଉଜରରେ ବ୍ୟାୟାମ୍ କରୁଛନ୍ତି । ବ୍ୟାୟାମ୍ ସମୟରେ ସେ ରାଜ୍ୟ ରାଜନୀତିର ଖବର ଜାଣିବାକୁ ଓଡ଼ିଆ ନୁ୍ୟଜ୍ ଚାନେଲ୍ଗୁଡ଼ିକ ବି ଦେଖୁଛନ୍ତି । ମର୍ଣ୍ଣିଂ ୱାକ୍, ଯୋଗ, ପ୍ରାଣାୟମ୍ ସାଙ୍ଗକୁ ବ୍ୟାୟାମ୍ ଉପକରଣ ଗୁଡ଼ିକ ବ୍ୟବହାର କରି ସେ କସରତ କରୁଛନ୍ତି । ସାରା ରାଜ୍ୟବାସୀଙ୍କୁ ସୂଚାଇଛନ୍ତି ସେ ପୂରା ଫିଟ୍ ଅଛନ୍ତି । ଭିଡିଓର ଶେଷ ଆଡ଼କୁ ନବୀନ ନିଜେ କହୁଛନ୍ତି ଆଇ ଏମ୍ ଭେରି ଭେରି ଫିଟ୍ । ନରେନ୍ଦ୍ର ମୋଦିଙ୍କ ଗତ ଓଡ଼ିଶା ଗସ୍ତ ବେଳେ ସେ ନବୀନଙ୍କ ଫିଟ୍ନେସ୍କୁ ନେଇ ପ୍ରଶ୍ନ ଉଠାଇଥିଲେ । ହେଲେ ନବୀନ ମୋଦିଙ୍କ ଆଉ ଏକ ଓଡ଼ିଶା ଗସ୍ତର ଠିକ୍ ଦିନକ ପୂର୍ବରୁ ନିଜ ଫିଟ୍ନେସର ପ୍ରମାଣ ଦେଇ ସମାଲୋଚକଙ୍କୁ ମୁହଁତୋଡ଼ ଜବାବ ଦେଇଛନ୍ତି । ତେବେ ନବୀନଙ୍କ ଏହି ଭିଡିଓ ସୋସିଆଲ୍ ମିଡିଆରେ ଅପ୍ଲୋଡ୍ ହେଉହେଉ ସାରା ରାଜ୍ୟରେ ଚର୍ଚ୍ଚାର ବିଷୟ ପାଲଟିଛି । ସମସ୍ତେ ନବୀନଙ୍କ ଏହି ଫିଟ୍ନେସ୍ ଭିଡିଓକୂ ନେଇ ଆଲୋଚନା କରୁଛନ୍ତି । ନବୀନଙ୍କ ଭିଡିଓ ଯିଏ ଦେଖୁଛି ସେ କହୁଛି ଶାରୀରିକ ଭାବେ ନବୀନ ପୂରା ଫିଟ୍ ଅଛନ୍ତି ।
