ଉଦଘାଟନ୍ ହେଲା ନୂଆ ପିଜି ହଷ୍ଟେଲ, କନଭେନସନ୍ ହଲ୍
ଉଦଘାଟନ୍ ହେଲା ନୂଆ ପିଜି ହଷ୍ଟେଲ, କନଭେନସନ୍ ହଲ୍
admin
5232
ଭୁବନେଶ୍ୱର ଖାଦ୍ୟ ଓ ଦେଶର ସୁରକ୍ଷା ପାଇଁ ପୂର୍ବତନ ପ୍ରଧାନମନ୍ତ୍ରୀ ଲାଲବାହାଦୂର ଶାସ୍ତ୍ରୀଙ୍କ ନାରା ଥିଲା ‘ଜୟ ଯବାନ ଜୟ କିଷାନ’ । ବିଜ୍ଞାନକୁ ଊଦ୍ଧ୍ୱର୍କୁ ନେବା ପାଇଁ ବାଜପେୟୀଜୀ ଏଥିରେ ଯୋଡ଼ିଥିଲେ ‘ଜୟ ବିଜ୍ଞାନ’ । ବର୍ତ୍ତମାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଶ୍ୱରେ ଭାରତକୁ ଏକ ନମ୍ବର କରିବା ପାଇଁ ଏହି ଆହ୍ୱାନରେ ଆଉ ଗୋଟିଏ ସ୍ଲୋଗାନ ଯୋଡ଼ିଛନ୍ତି । ଏହା ହେଲା ‘ଜୟ ଅନୁସନ୍ଧାନ’ । ଏହା ହିଁ ଭାରତର ଶିକ୍ଷା ନୀତର ମୂଳମନ୍ତ୍ର । ଅନୁସନ୍ଧାନ ଯେତିକି ଆଗକୁ ଯିବ ଦେଶ ସେତିକି ସମୃଦ୍ଧ ହେବ । ଅନୁସନ୍ଧାନର ସୀମା ନାହିଁ । ତେଣୁ ଆଗାମୀ ପିଢ଼ିର ଛାତ୍ରଛାତ୍ରୀ । ଅନୁସନ୍ଧାନ ଉପରେ ଜୋର୍ ଦିଅନ୍ତୁ । ସୋମବାର ଶିକ୍ଷା ଓ ଅନୁସନ୍ଧାନ (ସୋଆ) ବିଶ୍ୱ ବିଦ୍ୟାଳୟରେ ‘ନୂଆ ଭାରତ ପାଇଁ ନୂଆ ଶିକ୍ଷା ନୀତି’ ଶୀର୍ଷକ ଆଲୋଚନାରେ କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ଡ.ରମେଶ ପୋଖରିୟାଲ ନିଶଙ୍କ ଛାତ୍ରଛାତ୍ରୀଙ୍କୁ ଏହି ମନ୍ତ୍ର ଦେଇଛନ୍ତି । ମନ୍ତ୍ରୀ ଡ.ପୋଖରିୟାଲ କହିଥିଲେ, ‘ଶିକ୍ଷା ଓ ଅନୁସନ୍ଧାନ’ ବିଶ୍ୱ ବିଦ୍ୟାଳୟ ବହୁତ ଦୂରଦୃଷ୍ଟି ରଖି ଅନୁସନ୍ଧାନ ଶବ୍ଦକୁ ଯଥାର୍ଥରେ ବ୍ୟବହାର କରିଛି । ଯେଉଁ ମହତ ଉଦେ୍ଧଶ୍ୟକୁ ନେଇ ଏହି ବିଶ୍ୱ ବିଦ୍ୟାଳୟ ପ୍ରତିଷ୍ଠା ହୋଇଛି ଆଗାମୀ ଦିନରେ ନିଶ୍ଚିତ ରୂପେ ସଶକ୍ତ ଭାରତ ଗଠନର ସକି୍ରୟ ଭୂମିକା ଗ୍ରହଣ କରିବ ।
ନୂଆ ଶିକ୍ଷା ନୀତି ବିଷୟରେ ଡ.ପୋଖରିୟାଲ କହିଲେ, ବର୍ତ୍ତମାନ ଭାରତରେ ୧ କୋଟିରୁ ଅଧିକ ଅଧ୍ୟାପକ ଅଧ୍ୟାପିକା ଅଛନ୍ତି । ୩୩ କୋଟିରୁ ଅଧିକ ଛାତ୍ରଛାତ୍ରୀ ଅଧ୍ୟୟନ କରୁଛନ୍ତି । ଯାହା ଆମେରିକାର ଲୋକସଂଖ୍ୟା ଠାରୁ ବି ଅଧିକ । ଖାଲି ସେତିକି ନୁହେଁ, ବିଶ୍ୱର ଅନେକ ବିକଶିତ ରାଷ୍ଟ୍ରରେ ଅଧ୍ୟୟନ କରୁଥିବା ଅଧିକାଂଶ ଛାତ୍ରଛାତ୍ରୀ ଭାରତୀୟ । ତାଙ୍କୁ ଶିକ୍ଷାଦାନ କରୁଥିବା ଶିକ୍ଷକ ବି ଭାରତୀୟ । ବିଶାଳ ଶିକ୍ଷା ସମ୍ଭାରକୁ ଆଧାର କରି ଭାରତ ନିଶ୍ଚିତ ରୂପେ ଶିକ୍ଷାକ୍ଷେତ୍ରରେ ବିଶ୍ୱରେ ସମସ୍ତଙ୍କ ମାର୍ଗଦର୍ଶକ ସାଜିବ ।
