୪ ଦିନ ଯାଏ କୁହୁଡ଼ି, ରାତି ତାପମାତ୍ରା ୨ ରୁ ୪ଂ ବଢ଼ିବ
୪ ଦିନ ଯାଏ କୁହୁଡ଼ି, ରାତି ତାପମାତ୍ରା ୨ ରୁ ୪ଂ ବଢ଼ିବ
admin
6558
ଭୁବନେଶ୍ୱର - ଆସନ୍ତା ଦୁଇ ଦିନ ପର୍ଯ୍ୟନ୍ତ ରାତିର ତାପମାତ୍ରା ୨ରୁ ୪ ଡିଗ୍ରି ପର୍ଯ୍ୟନ୍ତ ବଢ଼ିବ । ତେଣୁ ଥଣ୍ଡା କମିବ । ତେବେ କୁହୁଡ଼ି ପରିମାଣ ବଢ଼ିବ । ଆସନ୍ତା ୩ ରୁ ୪ ଦିନ ପାଇଁ ଉପକୂଳ ଓଡ଼ିଶା ସମେତ ଅନୁଗୁଳ, ଢେଙ୍କାନାଳ, କେନ୍ଦୁଝର, ମୟୂରଭଞ୍ଜ, କନ୍ଧମାଳ, କଳାହାଣ୍ଡି ଓ କୋରାପୁଟ ଜିଲ୍ଲାରେ ହାଲୁକାରୁ ସ୍ୱଳ୍ପ କୁହୁଡ଼ି ହୋଇପାରେ । ଆସନ୍ତା ୪୮ ଘଣ୍ଟା ଯାଏ କୌଣସି ବି ସ୍ଥାନରେ ଘନ କୁହୁଡ଼ି ହେବାର ସମ୍ଭାବନା ନାହିଁ । ତେବେ ୧୭ ତାରିଖ ରାତିରୁ ଅନୁଗୁଳ, ଢେଙ୍କାନାଳ, କନ୍ଧମାଳ, ଖୋର୍ଦ୍ଧା, ନୟାଗଡ଼, ପୁରୀ, କଟକ ଓ ଭଦ୍ରକ ଜିଲ୍ଲାରେ ଘନ କୁହୁଡ଼ି ଲାଗିରହିବ । ୧୮ ତାରିଖରେ ଉକ୍ତ ଜିଲ୍ଲାଗୁଡ଼ିକ ସମେତ କୋରାପୁଟ ଓ ବଲାଙ୍ଗୀର ଜିଲ୍ଲାରେ ଘନ କୁହୁଡ଼ି ହେବାର ଆଶଙ୍କା ଥିବାରୁ ୧୭ ଓ ୧୮ ତାରିଖ ପାଇଁ ୟେଲୋ ୱାର୍ଣ୍ଣିଂ ଦିଆଯାଇଛି । ଗତ ୨୪ ଘଣ୍ଟା ମଧ୍ୟରେ ଥଣ୍ଡା କିଛି ମାତ୍ରାରେ କମିଛି । ଫୁଲବାଣୀରେ ୫.୫ ଡିଗ୍ରି ରେକର୍ଡ କରାଯାଇଥିବା ବେଳେ ସୋନପୁର, ଅନୁଗୁଳ ଓ ଦାରିଙ୍ଗବାଡ଼ିରେ ୭, ଟିଟିଲାଗଡ଼ରେ ୭.୬ ଡିଗ୍ରି ରହିଥିଲା ।
